Psa 7 | VulgJ | STEP | psalmus David quem cantavit Domino pro verbis Chusi filii Iemini pro ignoratione David quod cecinit Domino super verbis Aethiopis filii Iemini

Psalms 7

1 psalmus David quem cantavit Domino pro verbis Chusi filii Iemini ^va 2 Domine Deus meus in te speravi salvum me fac ex omnibus persequentibus me et libera me ^va 3 nequando rapiat ut leo animam meam dum non est qui redimat neque qui salvum faciat ^va 4 Domine Deus meus si feci istud si est iniquitas in manibus meis ^va 5 si reddidi retribuentibus mihi mala decidam merito ab inimicis meis inanis ^va 6 persequatur inimicus animam meam et conprehendat et conculcet in terra vitam meam et gloriam meam in pulverem deducat diapsalma ^va 7 exsurge Domine in ira tua exaltare in finibus inimicorum meorum et exsurge Domine Deus meus in praecepto quod mandasti ^va 8 et synagoga populorum circumdabit te et propter hanc in altum regredere ^va 9 Dominus iudicat populos iudica me Domine secundum iustitiam meam et secundum innocentiam meam super me ^va 10 consummetur nequitia peccatorum et diriges iustum et scrutans corda et renes Deus ^va 11 iustum adiutorium meum a Deo qui salvos facit rectos corde ^va 12 Deus iudex iustus et fortis et patiens numquid irascitur per singulos dies ^va 13 nisi conversi fueritis gladium suum vibrabit arcum suum tetendit et paravit illum ^va 14 et in eo paravit vasa mortis sagittas suas ardentibus effecit ^va 15 ecce parturiit iniustitiam *et; concepit dolorem et peperit iniquitatem ^va 16 lacum aperuit et effodit eum et incidet in foveam quam fecit ^va 17 convertetur dolor eius in caput eius et in verticem ipsius iniquitas eius descendet ^va 18 confitebor Domino secundum iustitiam eius et psallam nomini Domini altissimi

^va